Por terceiro ano consecutivo vimos celebrar a Noite Europea dos Morcegos na última fin de semana do mes de agosto. Esta vez será no Courel, serra que alberga a máis diversa comunidade de morcegos de Galicia.
As actividades están programadas para a tarde do sábado 28 do seguinte xeito:
18:00 Charla-coloquio: "Os morcegos do Courel". Impartida por un membro de Drosera. Na Estación Científica do Courel.
19:30 Merenda-cea conxunta.
21:00 en diante: observación de emerxencia nun refuxio de morcegos, seguemento da actividade nocturna mediante detectores de ultrasóns e captura de exemplares. Terá lugar no entorno do camping de Esperante.
As actividades están abertas a calquera que queira achegarse. Os que queiran participar da merenda-cea é mellor comunicalo mediante e-correo (info@morcegosdegalicia.org) ou no tlf. 670514888.
A Noite Europea dos Morcegos ímola realizar este ano conxuntamente con Saramaganta, como "training day". Os participantes do "training day" participarán ademáis na busca e revisión de refuxios a primeira hora da tarde e na selección dos puntos de mostraxe. Se estás interesado en participar, escrebe canto antes a Martiño Cabana (mcohyla(arroba)yahoo.es).
No hay comentarios:
Publicar un comentario