Curso "Conservando a diversidade dun mundo cambiante: os morcegos"

O vindeiro sábado dia 2 de abril comezaremos o curso "Conservando a diversidade dun mundo cambiante: os morcegos", no ámbito do Proxecto Hippos que vimos desenvolvendo en colaboración coa Fundación Pedro Barrié de la Maza.
O curso está dirixido a mestres do terceiro ciclo de Primaria, ESO e Bacharelato e xirará a redor dos contidos da Unidade Didáctica que estamos a preparar sobre a conservación dos morcegos. Os asistentes terán a oportunidade de participar activamente na elaboración de contidos da Unidade Didáctica.