Reavivando soutos

O Sequeiro de Portela é unha iniciativa de rexeneración de soutos no Courel para a producción de castaña seca e outros produtos derivados, como a fariña de castaña. A súa actividade se centra ao redor de Castro Portela, onde traballan parte do souto e recuperaron un sequeiro para secar a castaña ao xeito tradicional.

 

Iniciativas como esta son fundamentais para a conservación da biodiversidade asociada ao souto, pois doutro xeito o mato acaba por invadilo e os centenarios castiñeiros, sen os adecuados tratamentos, acaban por sucumbir a diferentes enfermidades ou ao seu propio e monumental tamaño.

O mantemento dos soutos é fundamental para algunhas especies de morcegos, entre os que destaca Nyctalus leisleri. Esta especie é especialmente abundante nos soutos vellos como os que abundan no Courel. 

No ano 2008 estivemos varias noites prospectando morcegos nos soutos que traballan os do Sequeiro de Portela, e atopamos especies tan interesantes como Nyctalus leisleri ou Pipistrellus pygmaeus, ademáis de Tadarida teniotis, Plecotus auritus, Plecotus austriacus...

Ademáis puidemos compartir cea e noite con Sabela e Luís (promotores do Sequeiro de Portela).

Vaia a nosa noraboa para O Sequeiro de Portela polo seu fermoso e tan necesario traballo!
E aos lectores, vos animamos a probar as castañas secas ao xeito tradicional (e a fariña de castaña) e a incorporalas de novo á nosa gastronomía diaria.
Entre outros sitios, podedes mercalos na Cova da Terra (Lugo), ben na propia tenda ou a través da tenda online.