Atlas dos morcegos da provincia de Lugo - novas

Este ano botamos a andar un proxecto tan ambicioso como necesario, o "Atlas dos morcegos da provincia de Lugo".
Levamos xa uns meses preparando a posta en marcha desta iniciativa: perfilando metodoloxías, reunindo bibliografía, solicitando permisos, buscando financiación e colaboracións...
No mes de marzo realizamos unhas xornadas de iniciación á detección de colonias de morcegos en cavidades, xunto co Grupo Espeleolóxico LUGO, co que colaboramos neste eido.
En maio comezaremos coa iniciación aos sondeos acústicos, con aqueles voluntarios dispostos a colaborar no proxecto cubrindo algunha cuadrícula UTM 10x10.
Para reforzar os sondeos acústicos durante o verán vimos de ofertar un posto de axudante de investigación.
Se estás interesado en participar no proxecto ou en optar á praza de investigación, ¡non deixes de poñerte en contacto con nós!