6/5/14

54 solicitudes para as becas de prácticas Pérez Lafuente

Rematando o prazo de envío de curriculums para optar ás becas de prácticas Pérez Lafuente, recibimos xa 54 solicitudes chegadas de todas España, e incluso de varios países da América Latina.
Por desgraza, o número máximo de prazas dispoñibles é de 6. Sempre queda un certo sabor amargo cando non se pode atender ao interese de tantos estudantes e licenciados de bioloxía e ciencias ambientais, sobre todo, pero tamén de carreiras afíns, por coñecer mellor o mundo dos morcegos, a diversidade de especies e a súa conservación, os métodos de traballo.
Nos vindeiros días daranse a coñecer os seleccionados. E os que non tiverades sorte, sabede que sempre podedes contactar con nós para realizar tarefas de voluntariado ou prácticas de empresa, á marxe desta convocatoria específica para a que tivemos a sorte de contar coa financiación de Conservas Antonio Pérez Lafuente.

No hay comentarios: